Hoxe a nosa biblioteca está un pouco triste xa que a nosa querida mestra Rosa Vila xubílase despois de quince anos no noso centro e vintecinco ensinando noutros coles.
Dende aquí queremos desexarlle unha boa xubilación e que imola estrañar moito.
Boa Xubilación Rosa!!!
Velaiquí un agasallo de Biblispín para que non o esquezas.
Con motivo do día das bibliotecas escolares os alumnos maiores fixeron un contacontos que foi todo un éxito.
O rematar de escoitar o conto a través da tablet da biblio puntuaron como o fixeron os compañeiros maiores e podemos dicir que son uns gran contadores de contos.
Noraboa!!!
Onte no colexio celebramos o día das bibliotecas escolares, no que Biblispín deunos as Mochilas Viaxeiras para poder desfrutar da lectura coas nosas familias.
Que aventuras nos deperará esta mochila!!!
O equipo de biblio xunto co Equipo de Plurilingüísmo e o Equipo de Dinamización da Lingua Galega en conxunto celebramos a festa de Samaín e Halloween que desenvolverase ao longo de toda esta semana, polo que a nosa biblio enchéuse de libros terroríficos.
Atreveste con algún?
.jpeg)
.jpeg)
"A edición deste ano, baixo o lema “BiblioTEcuida”, céntrase en destacar o papel das bibliotecas de diferente tipoloxía como espazos libres e abertos que, a través dos seus diversos servizos e recursos, preocúpanse por atender as necesidades dos seus usuarios. As bibliotecas están abertas a toda a cidadanía e son un piar fundamental ao servizo das comunidades ás que pertencen."
As bibliotecas escolares galegas amosáronse, e continúan facéndoo, como unha ferramenta ao servizo da comunidade educativa ofrecendo recursos, información e apoio. Cómpre reivindicalo e celebrar que son xanelas para ler, espazos onde aprender e lugares para descubrir.
A biblioteca escolar, esa biblioteca pola que pasan todas as nenas e todos os nenos do país, a primeira biblioteca que lles aprende, tamén, a usar outras, que os pon en contacto con eses outros espazos do coñecemento e do lecer, eses lugares nos que pasan moitas cousas, que son as bibliotecas públicas, eses lugares que están sempre ao noso carón: as BIBLIOTECAS.
Este curso, o lema das bibliotecas escolares de Galicia ESCRIBIR A BIBLIOTECA ESCOLAR , e quere poñer o foco en todas as formas de escrita que cuida e ofrece a biblioteca escolar . A escrita como medio de comunicación, expresión, creación, información e coñecemento. aproveitado por algunhas das bibliotecas para esta celebración.
FONTE: BIBLIOTECAS ESCOLARES
Os alumnos máis pequenos do cole descubriron os diferentes espazos que a nosa biblioteca e Biblispín ofrecennos, velaiquí unha pequena mostra.
Con estas últimas novidades temos os noso recuncho de xogo case completo, estamos argadando a que os alumnos nos recreos os desfruten aínda que moitos titores xa os están levando cara as aulas.
Que maravilla!!!!
.jpeg)
.jpeg)
O Día das Escritoras é unha iniciativa promovida pola Biblioteca Nacional de España en colaboración coa Federación Española de Mujeres Directivas, Ejecutivas, Profesionales y Empresarias (FEDEPE) e coa Asociación Clásicas y Modernas. Desde 2016 búscase reivindicar o labor e o legado das escritoras a través da historia.
Como en edicións anteriores, a data elexida é o luns máis cercano á festividade de Teresa de Jesús, o 15 de outubro. A VII Edición celébrase este ano 2022 o 17 de outubro baixo o lema "Antes, durante e despois das guerras".
A escritora Carmen Domingo, é a comisaria esta VI Edición do Día das Escritoras 2022.
“Un ano máis recuperamos a palabra de mulleres escritoras que nos seus textos reflicten sentimentos, procuras e loitas. Mulleres valentes cuxa obra, en moitas ocasións, foi ignorada. Rescatar hoxe a súa voz é un acto de xustiza e recoñecemento cara a todas elas”.
O lema deste ano, destaca, “é unha homenaxe ao papel fundamental que cumpriron en situacións de conflito bélico e axuda a reflexionar e contemplar con outros ollos unha situación de sufrimento, pero tamén de xenerosidade e compromiso”.
Desde as bibliotecas escolares propomos que se visibilice a obra das escritoras galegas, ben a través dunha exposición, ben lendo fragmentos nunha maratón literaria ou mesmo nos clubs de lectura ou a través de actividades de investigación, exploración ou creación...
Animamos a toda a comunidade educativa a participar nesta actividade que visibilizaremos a través desta páxina e nas redes sociais. #bescolaresgal #bescolaresgalabertas #DíaDasEscritoras
SELECCIÓN DE TEXTOS DE ESCRITORAS GALEGAS
FONTE: BIBLIOTECAS ESCOLARES
Os nosos voluntarios de biblio durante o recreo de hoxe fixeron unha representación para todos os alumnos do cole, dada a gran acollida que tivo tiveron que facer catro pases coas suúas catro respectivas funcións.
Foi todo un éxito!! Xa están argallando a próxima obra de teatro!!
.jpeg)
.jpeg)
Durante os recreos os alumnos veñen xunta Biblispín a xogar ao principio eran poucos e agora está chea.
É unha ledicia ver a biblioteca chea de lectores, risas e encontros.
.jpeg)
.jpeg)
ESCRIBIR A BIBLIOTECA ESCOLAR é o lema que a Consellería de Cultura, Educación, Formación Profesional e Universidades propón ás Bibliotecas Escolares Galegas para este curso 2022/2023, quere poñer o foco en todas as formas de escrita que cuida e ofrece a biblioteca escolar. A escrita como medio de comunicación, expresión, creación, información e coñecemento.
A imaxe que interpreta este lema proposto para este curso é da calígrafa, deseñadora gráfica e mestra de talleres de caligrafía e lettering Belén L. Méndez coñecida como Nacu, que leva xa un tempo colaborando coas bibliotecas escolares en obradoiros.
A biblioteca escolar ofrece oportunidades e recursos para escribir e escribirnos:
-Escribir para saber, para aprender.
-Escribir para comunicar e comunicarnos.
-Escribir relatos, historias.
-Escribirnos, coñecernos a través da escrita: diarios, axendas, biografía...
-Escribir xuntos en relatos colectivos, encadeados, libros viaxeiros, wikis…
-Escrita creativa: microrrelatos, haikus, collages, caligrafía…
-Escribir para deixar pegada e preservar a memoria individual e colectiva.
-Escribir para incluír e visibilizar.
-Traducir.
-Reescribir, versionar e adaptar.
-Escribir no audiovisual: guións, escaletas.
-Escribir para estimular a creación.
Escribir para ser (lido), para que o lector e a lectora dea vida ao libro, ao escrito.
FONTE:BIBLIOTECAS ESCOLARES
A nova normalidade voltou traer os xogos e a biblio aberta nos recreos, como se pode ver nestas imáxenes, que desfrutamos moito!!!
Benvidos a todossss!!!
.jpg)
.jpg)
.jpg)
.jpeg)
.jpeg)