Estadística de Empréstito 2018-2019

O grupo do colexio que máis leu, foi o de 5º de Ed. Primaria. Parabéns! Quen será/n o/os que máis lean o vindeiro curso? E en galego/inglés?...

Día do Libro

Celebrámolo coa actividade de padriños e madriñas. Os maiores contáronlles un conto aos máis pequenos, que logo tiñan que ilustrar coa parte do conto ou o personaxe que máis lles gustou. Como novidade este ano, contáronse contos tamén en Inglés, xa que somos plurilingües…

Como chovía, a actividade desenvolveuse nos corredores do colexio, no patio das casiñas e no ximnasio. Foi un éxito!

Este foi o Tríptico de lecturas recomendadas para o Nadal.

 

Día de Rosalía

Recitado de poemas da autora galega, entre outros “Maio longo” e “Adiós ríos, adiós fontes”. 

O Nadal na Biblioteca 2018-2019

Con libros de expurgo, fíxose unha árbore de Nadal. Decorouse con luces de cores e coroouse cunha lámpada feita con vasos de refugallo.

1º Concurso de Fotografía 

Por primeira vez no colexio fixemos un concurso de fotografía. 

O alumnado tiña que tomar unha foto na que saísen eles nun entorno de Nadal lendo un libro. A maiores tiñan que explicar por que se fixo esa foto nese lugar.

Valorouse a orixinalidade, a calidade da fotografía, e a explicación dada.

Houbo moita participación. Aproveitouse a ocasión para traballar contidos relacionados coa arte, expuxéronse nos corredores o que axudou tamén á decoración de Nadal no centro.

Estes foron os gañadores:

Día das Bibliotecas Escolares

Para conmemorar esta data, dende a Biblioteca do centro propúxose facer promoción dalgúns títulos dos que dispoñemos no colexio. 

Parte do alumnado tiña que escoller un libro que recomendaría ler ao resto do alumnado e para iso tiña que facer un video curto que motivase aos demáis á lectura ( https://vimeo.com/user87012106 ).

Esta actividade foi relacionada co lema do colexio “un curso de película”, polo que se fixo un visionado dos mesmos para todo o colexio no salón de actos. 

Aquí están algúns exemplos que podedes atopar en Vimeo.