CONECTAMOS CO PASADO

 Dentro do noso PDI: "Conectamos co mundo" facemos unha viaxe o pasado para ver como era a escola, libros e materiais do pasado. 

Cantos contidos e que material máis díficil, os nenos quedaron abraídos coa dificultades deses libros. 

Seguimos traballando no noso PDI

CHARLA SOBRE RESOLUCIÓN DE CONFLICTOS

 O pasado luns, tivo lugar unha charla sobre resolución de conflictos no salón de actos do cole.

Agradecemos as familias e mestres que viñeron a interesarse por seguir formándose en educación. 

FORMACIÓN A OUTRAS BIBLITOECAS ESCOLARES

 Hoxe ás nosas coordinadoras de TIC e Biblioteca, Ángeles e Carla foron a dar unha charla do funcionamento da nosa biblioteca escolar como centro creativo de aprendizaxe. 

Velaiquí un breve resumo da formación. 

OS EXPOSITORES DO MES DA CIENCIA

 Como xa é tradición no noso cole, Biblispín creou os seus espazos temáticos, neste caso sobre o Mes da Ciencia en galego. Haberá sorpresa de cousiñas que fan os nenos.

A maiores tamén fixo un gran picto na impresora 3D

Viva a ciencia!

NOVEMBRO MES DA CIENCIA NAS BIBLIOTECAS

 

 

 

"Para que a transformación requirida avance con solidez, o coñecemento

debe chegar a todos os niveis da sociedade. É esencial fortalecer a súa

transferencia ao tecido produtivo para que se traduza en valor engadido

para Galicia. Pero non só: cómpre reforzar a transferencia social do

coñecemento a través da divulgación, da cultura científica e da ciencia

cidadá, conectando a investigación coas necesidades reais da cidadanía

e fomentando unha sociedade máis informada, crítica e participativa.

As bibliotecas son parte esencial deste ecosistema: non só como

espazos físicos, senón como nodos de encontro, conexión social e

aprendizaxe permanente.A súa transformación dixital e social facilita que

o coñecemento circule, que a ciencia se comparta e que máis persoas

participen activamente, proporcionando as ferramentas para seguir

aprendendo, cuestionando e creando". 

 

Concepción Paz Penín 

 

 

 

Desde a Consellería de Cultura, Lingua e Xuventude, en colaboración coa Conselleria de Educación, Ciencia, Formación Profesional e Universidades, vense impulsando a celebración anual do mes de novembro como o MES DA CIENCIA EN GALEGO NAS BIBLIOTECAS. Iníciase esta actuación coa elección dunha imaxe e a difusión dun texto, a modo de MANIFESTO, de Concepción Paz Penín, enxeñeira industrial, catedrática e doutora pola Universidade de Vigo. Actualmente dirixe o Departamento de Enxeñaría mecánica, máquinas e motores térmicos e fluídos nesa universidade. No ano 2023 recibiu o premio María Wonenburger, que recoñece o labor das mulleres científicas galegas.

 

 

O manifesto para este ano 2025 abrirá moitas rutas de traballo e investigación coas que poder sementar e degustar a ciencia nas nosas bibliotecas escolares.

Desde a Asesoría de bibliotecas escolares realizouse unha recompilación de recursos dixitais , relacionados coa ciencia, en galego, que se pon a disposición de todas as bibliotecas: libros e unidades didácticas descargables en formato pdf, páxinas web de institucións, museos e asociacións de profesores e divulgadores científicos, convocatorias e propostas, blogs de ciencia dos centros educativos, experiencias de bibliotecas escolares, etc. 

FONTE: ASESORIA BIBLITOECAS ESCOLARES

CABAZAS 3DRÍFICAS

  Os nenos de 3º, puxeron en funcionamento un proxecto de Biblispín que resultaron ser unhas cabazas en 3D. 

O proceso foi terrorífico e o resultado espectacular. 

Cantas cousas máis deseñaremos na 3D?

SAMAÍN TERRORÍFICO NO SENSAT

 Ao longo desta semana tivemos uns expositores cuns contos arrepiantes e espazos tenebrosos. 

Así tamen Biblispín comprou diferentes contos maravillosos de terror. 

                                        

E o propio día o 30 tivemos merendas e disfraces tenebrosos que podedes ver clicando na seguinte imaxe. 

Pola megafonía soaron diferentes músicas arrepientaes que crearon un ambiente de medo.

FELIZ HALLOWEEN/SAMAÍN!!!!

24 OUTUBRO DÍA DAS BIBLIOTECAS: "A MELLOR SOPA DO MUNDO"

 Pola tarde para as familias a profe de Música, fixo un contacontos sobre o conto "A mellor sopa do mundo". 

Foi un exitazo, ás familias encheron a biblio e desfrutaron o acabar dunha sesión de xogos. 

Moitas grazas familias por este día das bibliotecas!!! 

24 DE OUTUBRO DÍA DAS BIBLIOTECAS ESCOLARES: VISITA ESPECIAL

Hoxe que celebrase o día das Bibliotecas Escolares, queremos agradecer a visita do Conselleiro Román Rodríguez, Judith Fernández (Xefa de Innovación Educativa), César Pérez (Director territorial), Pedro Areal (Inspector do centro) e Isabel Nuevo (Asesoría de Bibliotecas). 

Con isto como centro e Equipo de Biblioteca queremos agradecer esta visita como un recoñecemento a gran labor e traballo que como centro faise en prol da biblioteca. 

Pero os protagonistas deste día foron os nenos e nenas de 6º que fixeron unha representación espectacular do libro"Corre, corre, cabaciña" 

Estas actividades fanse sobre todo por e para os nosos alumnos e as familias, sen eles non seríamos capaces de facelo. 

Agradecemos tamen os agasallos de libros que nos trouxeron, Biblispín está moi contento con eles. 

Moitas grazas a todos os alumnos e os mestres do cole!!

PROGRAMACIÓN DÍA DAS BIBLIOTECAS

 Adxuntamos o programa do día das bibliotecas. 

FELIZ DÍA PARA TODOS!

ACTIVIDADE DO DÍA DAS ESCRITORAS

 O alumnado de Primaria estivo realizando actividades en relación ás escritoras, neste caso as galegas, polo que o que tiveron que facer foi buscar libros na biblioteca para despois facer unha búsqueda de información a través das TIC's. 

Canto aprendimos!

INAUGURACIÓN DA BIBLIOTECA ESCOLAR 2025

•  Venres 24 de outubro de 2025.
• Biblioteca do Javier Sensat
• Ás 16:15

APADRIÑAMENTOS LECTORES

 Comezamos coas presentacións dos padriños e afillados, neste caso son os de 3º e EI 5 anos que fixeron unha actividade traballando a Competencia STEAM e unha celebración terrorífica SAMAÍN.

Clicade na imaxe para velo

Canto terror!!!

LEMA DAS BIBLIOTECAS ESCOLARES 2025

 

Un curso máis abrímoslle a porta á creatividade nas bibliotecas escolares, deste volta a través do deseño. O deseño que acompaña desde o inicio a comunicación escrita, que é orixe de tipografías, logotipos e páxinas, que consegue achegar a información da maneira máis impactante ou máis sutil. 

O deseño gráfico que atopamos desde a orixe dos tempos da escrita e que hoxe en día se espalla a través de aplicativos dixitais. Unha oportunidade para crear desde as bibliotecas do hoxe e do futuro, tecendo desde a nosa propia historia, coas referencias imprescidibles das editoriais Nós ou Castrelos, do Laboratorio de Formas e Ediciós do Castro… e de mestres do cartelismo como Xosé Vizoso. 

Propoñemos mirar os libros desde a súa orixe, coñecer o proceso da edición, da composición, da escolla de tipos, papeis, cubertas e encadernacións, da revisión da maqueta e da difusión… e coñecer as persoas que forman parte dese mundo da edición e do deseño gráfico. 

Deseño gráfico que tamén trascende do mundo do libro e está presente na publicidade, a prensa, as etiquetas, as marcas corporativas… e en tantos outros ámbitos da nosa vida cotiá.

 

O cartel que Desescribir nos ofrece para este curso é unha porta aberta a esa creatividade a partir da raíz: o alfabeto e as infinitas posibilidades que permite a partir dunha sinxela pauta. Sumémoslle deseño ás bibliotecas escolares e enrolémonos nesta viaxe á creatividade! 

Fonte: Asesoría de bibliotecas

EXPOSITOR DÍA DAS ESCRITORAS

 Este ano con motivo do día das escritoras Biblispín mezclou o Samaín co día das escritoras dando este resultado tan terrorífico. 

Queremos resaltar unha frase dunha escritora Galega para conmemorar este día: 

    “Os sentimentos non os eliximos véñensenos, se crían como a maleza que ninguén planta e que asolaga a terra.” Emilia Pardo Bazán

ÚLTIMAS NOVIDADES

 Últimas novidades que trouxo Biblispín para os seus rapaces!!!!

Boas lecturas!!!!

ANIMAIS, OS COÑECEMOS?

 Previa a celebración do mes da ciencia, dentro de esta están as Ciencias da Natureza e por ende os animais.

 Polo que coñecemos a forma de vida de diferentes insectos,anfibios e reptiles grazas a Carlos que nos trouxo ao cole uns exemplares e explicounos algunhas curiosidades sobre eles. 

Foi unha experiencia animalítica, canto aprendimos!!!!

DÍA DAS ESCRITORAS 2025

 

 

 

O Día das Escritoras é unha iniciativa  organizada entre a Biblioteca Nacional de España, a Federación Española de Mujeres Directivas e Executivas Profesionais e Empresarias (FEDEPE) e a Asociación Clásicas e Modernas, asociación para a igualdade de mulleres e homes na Cultura. Ademais, contará coa colaboración de Asociación Colexial de Escritoras e Escritores (ACE) e oCentro Español de Dereitos Reprográficos (CEDRO). Desde 2016 búscase reivindicar o labor e o legado das escritoras a través da historia.

Como en edicións anteriores, a data elexida é o luns máis cercano á festividade de Teresa de Jesús, o 16 de outubro. A X Edición celébrase este ano 2025  o 13 de outubro baixo o lema "1975: Escribide, compañeiras!l".

 

"As escritoras activas ao redor de 1975 reflicten en moitas das súas obras o desexo dun cambio profundo e radical nas vidas das mulleres, denuncian a falta de liberdade e de autonomía, dan testemuño do que ocorre fóra de España, esixen unha nova orde amorosa e un cambio nas leis que as veu marxinando durante o franquismo".

Anna Caballé, comisaria de la X edición del Día de las Escritoras

 

Desde as bibliotecas escolares propomos que se visibilice a obra das escritoras galegas, ben a través dunha exposición, ben lendo fragmentos nunha maratón literaria ou mesmo nos clubs de lectura ou a través de actividades de investigación, exploración ou creación...

 

Na selección de textos en galego a transcrición dos distintos fragmentos decidiuse manter a ortografía da escrita orixinal previa ás convencións derivadas das Normas Ortográficas e Morfolóxicas do Idioma Galego de 1983. Alén de ser unha mostra da literatura do momento, é tamén un reflexo das dificultades que comportaba escribir nunha lingua que carecía dunhas normas ortográficas e morfolóxicas estables.

 

Vaia con esta escolma o noso agradecemento e recoñecemento a estas dez autoras, mulleres que nos anos 70 publicaron en galego, pola súa obra e o seu compromiso coa nosa lingua e a nosa cultura. 

FONTE: Bibliotecas Escolares 

 

EXPOSITORES TERRORÍFICOS

 Ao longo deste mes de outubro Biblispín fixo os terroríficos expositores de Halloween/Samaín. Velaiquí están os expositores de medo que fixo.

Vai ser un mes de moito medo!!! 

FORMACIÓN DE USUARIOS

 Ao longo do mes de setembro tivemos as formacións de usuarios, para profes, familias e alumnado. Con isto queremos que a comunidade educativa coñeza as normas de funcionamiento da biblio e os usos que teñen ao longo do curso escolar. 

Imos a por este curso cheo de lecturas!!!

PORTAS ABERTAS 2025

 

BIBLIOTECA PECHADA

 

CAMBIOS NA BIBLIOTECA

 Biblispín a finais do curso pasado e principios deste antes de empezar o curso fixo unha serie de cambios na biblioteca, o primeiro foi facer un expurgo de libros que despois pasarán o piso dos maiores para que formen a súa biblioteca de aula. 

Por outra banda a maiores seguindo as recomendacións da Asesoría de Bibliotecas fixemos unha unificación dos lectores intermedios e superiores. Agora están xuntos e nas vindeiras semanas os alumnos coñecerano a medida que facemos as formacións usuarios. 

Melloramos a biblioteca día a día!!!

OS EXPOSITORES DE BIBLISPÍN

Con motivo do inicio de curso Biblispín comezou a decorar os corredores con diferentes temáticas para que a lectura chegase a todos os recunchos do centro. 

Montou o expositor do PDI do cole, que este ano é "CONECTAMOS CO MUNDO" que xa o temos na entrada da escola. 

VAI SER UN ANO DE MOITA LECTURA!!!!!!!! 

BENVIDA!!!

  Biblispín quere darvos a benvida a este novo curso que vai ser de MOITOS e NOVOS APRENDIZAXES. 

Estades preparados para todo o que vos agarda!

Comezamos!!!

DESPEDIMOS A NOSA MESTRA

 Este curso que finaliza despedimos con moita mágoa a nosa compañeira e amiga Marta gran precursora da nosa biblioteca. 

Cabe destacar que foi a creadora de este blogue que os demáis mestres continuamos con moito agarimo pero sen ela non existiría. 

Finaliza a súa etapa como mestra e agora despois de trinta e cinco anos tócalle descansar e facer todas esas cousas que tanto lle gustan. 

Desfruta moito de esta nova etapa imoste botar de menos!!!!

PECHAMOS O CURSO

 Rematamos otro curso moi cargado de lecturas, risas, xogos e moitos momentos de aprendizaxe, ratos individuais pero moitos momentos de traballo en equipo. 

Este ano aprendimos máis o valor da biblio como un espazo de aprendizaxe e como lugar de encontro. 

Coñecimos a novos profes que nos acompañaron este curso e tócanos despedirnos de eles con moita pena e agradecerlles todo o que nos ensinaron: Adrián, Ana (A.L), Noemí e Bea. A biblio é o cole sempre será a vosa casa vinde vernos de visita! 

O ano que ven virá cargado de moitos máis momentos como os anteriores que citamos que nos serviran para seguir crecendo. 

Lembrade este verán seguir lendo moito e lembrar que a lectura e a venta a todos os mundos que queiramos imaxinar. 

BO VERÁN!